Фејсбук започна тестирање на нова опција „downvote“ која ќе се појави веднаш до опциите „like“ и „reply“ при коментирање на мислења. „Downvote“, кој наликува на „dislike“корисниците ќе можат да го користат да даваат негативни оценки за коментарите што не им се допаѓаат.

Според N1, популарната социјална мрежа потврдила за светските медиуми дека тестира опции за „downvote“, а портпаролот на Фејсбук вели дека нивната цел е тоа да стане метод за отстранување негативни и грди коментари на јавните постови.

На корисникот кој ќе кликне на опцијата „downvote“ ќе му биде скриен коментарот на кој дал негативна оценка.