Green Card Lottery banner. Immigration and Visa to the USA

Поради крвавиот напад во Њујорк Доналд Трамп побара итно запирање на лотаријата за зелена карта. Според информациите што ги пренесоа американските медиуми, преку оваа лотарија во 2000-та година во САД пристигнал узбекистански имигрант Саифуло Саипов. Тој вчера прегази 8 лица и рани уште 12 на велосипедската патека во Менхетен, а ова е најлош напад во градот од 11 септември 2001 година.
Претседателот Трамп побара од конгресот веднаш да ја запре програмата за имиграциска виза на основа на лотарија и на тој начин да спречи во земјата да влегуваат сите кои ќе бидат извлечени без притоа да се има информации за нивното минато.

“Лотарија – звучи добро, но не е добро. Сакам веднаш да почнеме да работиме со конгресот на нејзино укинување. Сакаме програма по која луѓето да доаѓаат заради нивните способности, а не по случаен избор”, објави американскиот претседател.