epa08853138 A handout photo made available on 30 November 2020 by pharmaceutical company Pfizer shows vials of Covid-19 vaccine in an undisclosed laboratory on16 November 2020. According to reports Pfizer and German pharmaceutical company BioNTech have asked the US Federal Drug Administration for an Emergency Use Authorization to begin distributing the vaccine. The FDA is scheduled to consider the request on 10 December 2020. EPA-EFE/PFIZER HANDOUT HANDOUT EDITORIAL USE ONLY/NO SALES

Денеска Европската комисија и Австрија објавија склучување на договор за испорака на вакцини против ковид-19 за регионот на Западен Балкан.

Набавката на 651.000 дози вакцина „Фајзер / Бионтек“ е финансирана од Европската комисија, а Австрија ќе покрие дел од износот. Првата испорака до сите партнери во регионот е планирана за мај, а редовни транши ќе бидат доставувани до август.

Претседателката на Европската комисија Урсула фон дер Лајен рече дека е исклучително важно да се забрза процесот на вакцинација насекаде.

„Многу сум среќна да објавам дека обезбедивме дози за да им помогнеме во вакцинирањето на здравствените работници и другите ранливи групи на Западен Балкан. Европската унија стои покрај своите партнери во регионот, кои побараа наша поддршка. Сакам да и се заблагодарам на Австрија што ни помогна во овој трансфер, покажувајќи ја својата посветеност и солидарност кон Западен Балкан “, рече Фон дер Лајен.

Европскиот комесар за преговори за соседство и проширување Оливер Вархеи додаде дека и покрај сегашниот глобален недостиг, ЕУ ќе достави спасувачки вакцини на Западен Балкан.

„Даваме поддршка од самиот почеток на пандемијата со ковид-19. Прво, со обезбедување медицинска опрема како заштитни маски, респиратори, опрема за единици за интензивна нега и амбуланти; потоа, со зајакнување на отпорноста. Сега ќе помогнеме да обезбедиме вакцини за сите медицински работници од прва линија во целиот регион, како и за некои други ранливи групи. Ние се грижиме за Западен Балкан, а неговата иднина е во Европската унија “, изјави Вархеи.

Министерот за надворешни работи на Австрија, Александар Шаленберг, истакна дека главниот приоритет е да се направат вакцините против ковид-19 брзо достапни за сите луѓе низ цела Европа.

„Во тој контекст, поддршката на Западен Балкан при набавка на вакцини е чин на европска солидарност и инвестиција во здравјето и безбедноста на целиот регион. На крајот на краиштата, сите пропусти на картичката за вакцинација, каде и да се, се опасност за сите нас. Никој не е безбеден се додека сите не бидат безбедни“, истакна Шаленберг.

Австрија овозможи дистрибуција на овие вакцини склучувајќи договори со производителот и партнерите од Западен Балкан.

Овие дози се финансирани од пакет помош од 70 милиони евра усвоен од Европската комисија во декември 2020 година за да се покријат трошоците за вакцини обезбедени со договори за авансно купување вакцини за партнерите од Западен Балкан.

Општата распределба меѓу државите ќе се заснова на епидемиолошки потреби, а приоритет ќе имаат здравствените работници и другите ранливи групи. А.Н.