дома Живот Сцена Излезе првиот албум на Мери Тодорова Младеновска

Излезе првиот албум на Мери Тодорова Младеновска

32

Излезе првиот албум на Мери Тодорова Младеновска, Lights. На овој албум има девет песни од разлни композитори. Автори и аранжери се Томислав Коцевски – Пепси, Јане Дунимаглоски, Ристо Апостолов- Водолија, Владо Грозданоски, Дејан Миленковски. Текстовите се на самата Мери, Бранко Николовски, Огнен Неделковски, Петар Нечовски, Симе Младеновски, Томислав Коцевски- Пепси.
Во репeртоарот на тие девет песни се најдоа „Не допирај“ (Гран при на „Канео фест 2017“),„Те нема веќе“ (три награди „Еврофест 2018“) ,„Its only my mind“ („Мелфест – Прилеп 2018“ , каде Мери  имаше одличен настап), потоа дуетите со Петар Нечовски и со Јане Дунимаглоски.
А специјален гостин е Петар Христов, сопран- саксофон. Дизајн на албумот го направи Димитринка Тодорова. Официјална промоција ќе следува наскоро.
Инаку во иднина Мери ќе има два интерационални дуета и веќе подготвува две нови песни.
Инаку албумот се печатеше во Бугарија, каде ќе биде дистрибуиран преку „Балкан мјузик“ , преку „Рд мјузик“ во Србија, преку „Зета мјузик“ во Црна Гора, преку „Бих мјузик продакшн“ во БиХ, а преку „Хелени мјузик“ во Грција.
Менаџер на целиот проект е Симе Младеновски, воедно и продуцент на серијалот Тв емисии „Лица и дела“, што го уредува и води Мери. „Лица и дела“ на ТВ Сонце по Нова година најавува емисии во ново руво, и многу атрактивни теми и гости.
Мери, освен што пее, пишува и проза и поезија, црта, креира облека а се крчка нешто ново на таа тема, со една многу позната личност.
По повод Нова година со овој албум ги изненади сите свои фанови и им посакува бериќетна и мирна година, полна со среќа и радости.
Таа и Симе, упатуваат огромна благодарност до Гаро Тавитијан за поддршката и до сите нивни спонзори и помагачи, со чија помош наскоро ќе снимат три нови видео- спота.

В.Г.-Парго