дома Живот Сцена Конкурсот за „Демофест 2018“ до први април, победниците „Норд“ на турнеја низ...

Конкурсот за „Демофест 2018“ до први април, победниците „Норд“ на турнеја низ Азија

52

„Демофест“, најпознатиот регионален фестивал на демо бендови, уште еднаш се покажа како сигурна отскочна штица за музички таленти од регионот на поранешна Југославија! Во пресрет на 11-тиот конкурс за Демофест , овој пат одлична вест доаѓа од Риека, од алтер рок бендот „Норд“, еден од победниците на „Демофест“, кој за неколку дена тргнува на првата интерконтинентална турнеја – низ Азија!

Имено, откако „Норд“ минатата година со помош на „Демофест“ го објави фаленото студиско првенче “Play Restart” (Geenger Records), следуваше соработката со Алфа Омега Менаџментот, кој е одговорен за наведената турнеја, и следуваше официјална турнеја насловена “Play Restart China Tour”. Турнејата низ Кина ќе се одржи од 16 март до 6 април, за време на која „Норд“ ќе одржи 16 концерти во поголем број градови.

“Ние често се потсетуваме каде и како започнавме, и каде ни беше нашата прва отскочна штица, а тоа се разбира е единствениот „Демофест“ во Бања Лука. Ако не се пријавевме тука, јас навистина се сомневам дека работите ќе се развијат со иста брзина и дека сега веќе ќе патувавме во Кина, по само четири години работење со „Норд “, вели возбудено Михаел Прошен, фронтмен на бендот.

Имајќи предвид дека во тек е конкурсот за натпреварувачките групи за 11. „Демофест“, Михаел и тимот апелираат регионалните демо бендови да аплицираат.

“Од срце му препорачуваме на секој музичар во регионот да се пријави на овој фестивал, бидејќи нема што да загуби, а да се добие може многу. Сакаме да ја искористиме оваа можност уште еднаш да им се заблагодараме на неверојатна екипа на луѓето кои го прават овој фестивал и со своите супермоќи успеале да го одржат „Демофест“ и да го направат еден од најдобрите музички фестивали на кој музичар може да доживее неповторливото искуство. Драги наши суперхерои – благодариме и честитки од нордиските луѓе! “, наведуваат Риечаните.

На успехот на „Норд“ не се помалку горди ни претставниците на „Демофест“, кои истакнуваат дека ова е уште еден показател дека со голема поддршка за авторските бендови и заедничките сили може да се направат големи работи.

“Ние сме многу горди на „Норд“ и се што успеаа да направат по освојувањето на победата на „Демофест“. Понекогаш и најмала поддршка е доволна за постигнување на одлични резултати, па уште еднаш ги покануваме сите демобендови да аплицираат за 11-тиот фестивал „Демофест“, кој оваа година го спроведуваме со помош на пиварницата во Бања Лука, како наш генерален спонзор “, велат од Демофест.

Конкурс за натпреварувачките бендови на 11. Демофест е отворен до 1 април 2018 година, а сите детали може да се најдат на официјалната страница demofest.org. Демофест оваа година ќе се одржи од 19 до 21 јули на тврдината Кастел во Бања Лука.