дома Живот Животна средина Најголемите загадувачи, подржувачи на COP24

Најголемите загадувачи, подржувачи на COP24

Во пресрет на Самитот за климатски промени, Полска ги објави имињата на најголемите подржувачи на истиот, а тое се најголемите загадувачи во државата...

36

Се чини дека овогодишниот домаќин на Самитот за климатски промени, Полска, ќе биде и најконтроверзниот. Имено, откако пред неколку месеци забрани секакви јавни собирања на граѓанските организации, вчера ја објави и листата на партнерите на организаторот. Најгоре на листата е најголемиот производител на висококвалитетен коксен јаглен на ЕУ.

Полскиот министер за животна средина, Хенрик Ковалчик, изјави за новинарите во Варшава дека претпријатието JWS е во државна сопственост, и заедно со енергетските компании PGE и Tauron , се избрани за партнери за глобалните разговори насочени кон намалување на глобалното затоплување преку намалување на емисиите на стакленички гасови.

Исто така, спонзори се и полскиот осигурителен гигант PZU, неговата PKO BP банка и компанијата за природен гас PGNiG. Сите шест компании се во државна сопственост.

Потпирајќи се првенствено на јаглен за околу 80 отсто од својата енергија, Полска е меѓу најзагадените членки на ЕУ.

Во еден документ објавен оваа недела, Партијата на десното право и правда (ПиС) соопшти дека има за цел да ја намали употребата на јаглен на 60 проценти до 2030 година со зголемување на обновливите извори на енергија и додавање на нуклеарна енергија во нејзиниот микс.

Шефот за климатски промени на ОН, Патриша Еспиноса, инсистира на тоа дека самитот во Полска мора да изработи детална програма за да го придвижи Парискиот климатски договор напред.

Светските лидери се обидуваат да внесат „нов живот“ во Парискиот договор потпишан од 195 нации, при што отстапија од неколку нации, особено од САД, поради преземените обврски кога беше потпишан во декември 2015 година.

Договорот треба да стапи на сила во 2020 година и повикува на ограничување на глобалното затоплување на помалку од два степени целзиусови над пред-индустриските нивоа.

Експертите предупредуваат дека глобалната мерка е на вистинскиот пат да надмине три степени до 2100 година и ги повика владите дека сега мора да сторат дури и повеќе од првично планираното, ако глобалното затоплување воопшто не се намали.