Од понеделник, на Јадранот ќе се применуваат нови построги мерки против ширење на коронавирусот. Иако првично се сметаше дека новите правила ќе бидат воведени само за четири далматински општини, тие сепак ќе важат за целиот брег, одлучија хрватските власти.
Новите мерки ќе бидат воведени првенствено за да се спречат поголеми собири, бидејќи повеќето од новоинфицираните се заразени на такви места. Главниот штаб е особено загрижен за ситуацијата во Далмација, бидејќи стапката на инфекција е поголема во овој дел од земјата, а процентот на вакцинирани е помал отколку во остатокот од земјата. Веста за заострување на мерките дојде само еден ден откако хрватскиот брег, втора недела по ред, беше во портокаловата зона на корона мапата на ЕУ.
Една од мерките што секако ќе се воведе е забрана за собирање. Според „Индекс“ бројот на луѓе кои ќе можат да се соберат на едно место без корона потврда ќе биде 50, наместо сегашните 100.
Ако луѓето имаат валиден сертификат за корона, дека извршиле ревакцинација, прележале вирус во последните шест месеци или имаат негативен ПЦР тест, бројот на собраните досега не беше ограничен, иако се верува дека бројот ќе биде ставен на 1.000 од понеделник.
До 15 лица ќе биде дозволено да се соберат на приватни прослави.
Новина е што националниот штаб ќе очекува поголема одговорност од локалните самоуправи и штабови кога ќе донесат одлука за одобрување на одржување на настан. Локалното и окружното седиште ќе мора да се договорат за проценка на ризик, а доколку не можат да се согласат, одлуката ќе ја донесе Националниот штаб.
Еден од главните услови при аплицирање за настан е тој да биде објавен најмалку една недела однапред во локалното и окружното седиште. Надлежниот штаб е должен да донесе одлука во рок од 2 дена и да го достави до окружниот штаб, кој исто така мора да ја разгледа оваа одлука за најмногу два дена.
Мерките стапуваат на сила од понеделник, а ќе важат до 15 август.
– Имаме раст од 35 проценти во споредба со минатата недела. Најниска инциденца има во округот Истра, а највисока во округот Задар. Хрватска е на 10-то место според инциденцата, а на 20-то место во ЕУ според стапката на смртност – рече на седницата директорот на хрватскиот институт за јавно здравје, Крунослав Чапак.
Министерот за здравство Вили Берош на седницата рече дека земјата дошла до оваа ситуација затоа што многумина не ги почитувале мерките што беа на сила и дека ако продолжи вака, Хрватска наскоро може да влезе во црвената зона.
– Оваа ситуација е сигурен пат до црвен аларм и заминување на туристите, дали ни треба тоа? А имаме решение и тоа е многу едноставно – придржувајте се на мерките. Со почитување на правилата и вакцинирање, можеме да спречиме да се разгори ситуацијата, рече министерот.
Во Хрватска изминатите 24 часа биле тестирани 4.911 лица, 176 лица биле позитивни. Има 128 пациенти на болничко лекување, а 17 од нив се на апарати за дишење, тројца повеќе од вчера. А.Н.
