epa08696043 French police and rescue team stand at a security perimeter near the former Charlie Hebdo offices, in Paris, France, 25 September 2020, after four people have been wounded in knife attack. According to recent reports, two assailants are on the run. EPA-EFE/IAN LANGSDON

Четири лица беа нападнати со нож денес и повредени во близина на поранешните канцеларии на сатиричното списание „Шарли Ебдо“, изјави францускиот премиер Жан Кастекс.

Според неименуван извор од полицијата, двајца од четворицата повредени лица се во критична состојба, објави Ројтерс.

Париската полиција објави дека е уапсено лицето за кое се верува дека го извршило нападот, пренесе АП.

Претставник на полицијата во Париз изјави дека иако властите првично мислеле дека се двајца напаѓачи, тие сега веруваат дека се работи за само едно лице приведено во близина на Плас де ла Бастиља во источен Париз.

Засега е нејасен мотивот за нападот, како и дали има врска со сатиричниот магазин „Шарли Ебдо“, кој се пресели во нови канцеларии по нападот од исламските екстремисти во 2015 година. А.Н.