Повторно повисоки цени на горивата од полноќ најави Регулаторната комисија за енергетика, и тоа бензините поскапуваат за еден денар по литар, а цената на дизелот се зголемува за половина денар.
Така, од полноќ новата малопродажна цена на ЕУРОСУПЕР БС-95 ќе изнесува 82 денари за литар, ЕУРОСУПЕР БС-98 ќе се продава за 84 денари, ЕУРОДИЗЕЛ БС (ДЕ-V) за 74, а Екстра лесното масло за домаќинство (ЕЛ-1) и понатаму останува со иста цена од 73 денари за литар.
Цената на Мазутот М-1 НС се намалува за 0,046 денари за килограм и сега ќе изнесува 46,491 денари.
