Регулаторната комисија за енергетика и водни услуги на Република Северна Македонија донесе Одлука со која се врши зголемување на малопродажните цени на нафтените деривати која стапува на сила од полноќ. Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се зголемуваат за 1,50 ден/лит. Малопродажната цена на Мазутот М-1 НС се зголемува за 0,922 ден/кг и сега ќе изнесува 40,526 ден/кг.
Од полноќ максималните цени на нафтените деривати ќе изнесуваат за бензин ЕУРОСУПЕР БС – 95 81,50 (денари/литар), бензин ЕУРОСУПЕР БС – 98 83,50 (денари/литар), за ЕУРОДИЗЕЛ БС (Д-Е V) 70,50 (денари/литар), за масло за горење Екстра лесно 1 (ЕЛ-1) 69,00 (денари/литар), Мазут М-1 НС 40,526 (денари/килограм).
