Откако пред неколку дена се прошири информацијата дека еден од докторите во болницата „Плодност“ од Битола е позитивен на корона вирусот, а болницата беше затворена, вечерва се огласи и сопственикот на болницата и татко на инфицираниот доктор, д-р Таше Трпчевски. Трпчевски им се обрати на пациентите и граѓаните преку профилот на болницата Плодност во кој ги информира дека сите пет члена неговот семејство, вклучувајќи го и д-р Христијан Трпчевски, се негативни на третото тестирање. Но, и покрај тоа тој информира дека болницата останува затворена до 13 Април, а тие ќе бидат во самоизолација.

Прочитајте го во целост неговото соопштение:

Почитувани пациенти, сограѓани и пријатели,
Во изминативе денови, навистина се соочувавме со страв, неизвесност и голема одговорност. По позитивниот резултат на д-р Христијан Трчевски, без двоумење, за доброто на сите нас и на нашите пациенти, одлучивме сите да заминеме во домашна самоизолација и да ни бидат земени врисеви за испитување.

Во домот живееме како петточлено семејство, јас со мојата сопруга Гордана, синот Христијан, снаата Емилија и малото бебе. Сите петмина, вклучувајќи го и бебето, бевме тестирани од корона вирусот. На д-р Христијан Трпчевски, во само 6 дена, тоа му беше трето тестирање.
За радост на целото семејство, сите пет резултати кои пристигнаа вечерва, а беа земени во саботата, се НЕГАТИВНИ и сите сме во добро здравје.

Минатиот понеделник, пред една недела, кај д-р Христијан Трпчевски, тестот беше негативен. Во петокот позитивен, а во саботата, кога сите се тестиравме, повторно негативен. Дали д-р Христијан Трпчевски имаше или немаше корона вирус, останува отворено прашање, за кое медицината треба да одговори. Иако фамилијарно сите сме лекари, немаме одговор на оваа состојба.

Ја споделуваме оваа радост со Вас, но и покрај негативните резултати, нашето семејство ќе остане во самоизолација. Секако и Болница „Плодност“ ќе биде подолнително третирана со дезинфициенти и отворена на 13 април.

Им се заблагодаруваме на сите кои не поддржаа во овие тешки моменти. Исто така, им се заблагодаруваме на епидемиолошкиот и инфектолошкиот тим на лекари од Битола, на чело со д-р Тони Коњановски, кои се грижеа максимално и ни даава поддршка и совети по неколку пати дневно.

Останете во добро здравје, седете дома и имајте позитивна мисла.

Срдечно, прим. д-р Таше Трпчевски