дома Култура Ликовна уметност Урбаните уметнички акции на изложба во Мобилната монтажна галерија

Урбаните уметнички акции на изложба во Мобилната монтажна галерија

43

Денес, 21 декември (четврток) во 20 часот, во просторот на Мобилната монтажна Галерија ќе биде отворена изложбата на фотографии и документација од „Урбaните уметнички акции“.

Изложбата се состои од повеќе од 40 фотографии од урбаните акции работени изминативе 2 години со посебен акцент на најпрепознаените акции спроведени во текот на 2017-та година.

1(1)_2Идејата на проектот Урбани уметнички акции е да ги открива, реагира, комуницира па дури во некои случаи делумно да ги решава локалните проблеми со кои граѓаните се соочуваат преку заеднички организирани акции на уметниците, архитектите (особено проблемите од сверата на урбанизмот и инфраструктурата) активистите, невладиниот седктор и граѓаните кои се соочени со проблемот.

Проектот е базиран на партиципативните модели на решавање на урбаните (комунални) проблеми преку спроведување најразлични креативни акции, кои покрај директните пораки за решавање на детектираните проблеми, ќе овозможат и 6(6)(1)едукација и поврзување на граѓаните со уметниците/архитектите и граѓанските активисти и нивен заеднички настап за решавање на други нови проблеми.

Едновремено проектот користи уметнички пристапи и уметничка реализација и продукција за позитивно да влијае на урбаниот пејзаж вообличувајќи го и давајќи му додадена вредност со нови и иновативни естетски решенија.

Урбаните акции се  идеја и концепт на Центарот за Современи уметности а се поддржани од: Програмата за акциски грантови на Цивика Мобилитас, Европска културна фондација и Фондација Отворено општество.

leb1_0