Во рамки на годинашното издание на Скопско лето, вечерва, 11.07, среда, ќе се отвори изложба „Музичка реминисценција во сликарство“ на Дренуша Палоши, во 20:30 часот, во Културно информативниот центар.

Исто така вечерва, 11.07.2018, среда, ќе се одржи мултимедијален пијанистички рецитал на Димчо Величков (Бугарија), со почеток во 21:00 часот, во Музеј на град Скопје. Овој рецитал е во соработка со Културно информативниот центар на Република Бугарија во Скопје.

Утре, 12.07.2018, четврток, ќе се одржи отворање на „Кафе Кино“, со проекција на филмот „Смртта на Сталин“, на Факултетот за ликовни уметности – Сули ан, со почеток во 21:00 часот. Влезот чини 100 денари.