Играчки против стрес (фиџет спинер)  се широко достапни на пазарот и се дизајнирани да ги држат рацете зафатени, да можат да се стискаат, влечат, пукаат и притискаат. Возрасните и децата исто така користат „фиџет играчки“, честопати за да се справат со анксиозноста и нападите на паника, како и да развијат моторни вештини.

Но, истражувањето што излезе од Данскиот совет за потрошувачи  покажа дека овие производи содржат проблематични хемикалии. 12 од 21 тестирана играчка содржат најмалку една хемикалија која предизвикува загриженост, вклучително и забранетиот фталат, сомнителен канцероген хемикал, како и видови на силициум што се на списокот на супстанци од висок ризик.

Иако степенот до кој овие загрижувачки супстанци мигрираат надвор од производите и навлегуваат во човечкото тело не е целосно познат, изложеноста дури и на мала количина на една од овие штетни хемикалии се надоврзува на изложеноста што ја добиваме од многу други извори во нашите секојдневни животи. CHEM Trust исто така има утврдено дека изложеноста на децата, особено на несакани хемикалии, треба да биде што е можно помало поради влијанието што овие хемикалии можат да го имаат врз развојот на мозокот.

Играчките  не треба да содржат опасни хемикалии. CHEM Trust бара забрана за употреба на опасни хемикалии во производи за широка потрошувачка и во ЕУ и во Велика Британија.

А.Н.