Холандскиот премиер Марк Руте обраќајќи се на јавноста од неговата официјална канцеларија во Хаг во понеделникот, на 14 декември, објави нови корона мерки и ја стави земјата под „тврда блокада“ најмалку до 19 јануари. На 12 јануари Руте ќе објави дали мерките ќе бидат укинати или заклучувањето ќе продолжи.

На прес-конференцијата на 8 декември, Руте и министерот за здравство Хуго де Јонг најавија дека нема да се релаксираат никакви мерки за време на Божиќните празници, а угостителските објекти ќе останат затворени до средината на јануари. Понатаму, тој рече дека е можно, доколку не се намали бројот на дневни инфекции со коронавирус, да бидат воведени дополнителни мерки пред Божиќ.

По состанокот со министрите во кабинетот за време на викендот и во понеделникот наутро, Руте објави голем број нови построги мерки што ќе стапат на сила во понеделник на полноќ и ќе ја стават Холандија под блокада, велејќи дека „нема друг избор“. Говорејќи со тмурен тон, Руте ја призна сериозноста на ситуацијата: „Како кабинет, сфаќаме колку е сурова оваа одлука – особено толку близу до Божиќ“.

Руте и Де Јонг ги објавија следниве национални мерки: се затвораат училиштата и универзитетите, несуштински продавници, фризери и салони за убавина, музеите, , зоолошки , театри, казина, тематски паркови, јавни базени и сауни, спортски сали и други спортски објекти во затворен простор, библиотеки, бордели.

Вторник, 15 декември ќе биде последниот ден со настава во живо за училиштата во Холандија, од среда сите форми на образование мора да бидат на Интернет. Грижата за децата ќе остане достапна за децата на родители кои работат на клучни работни места.

Заедно со фризери и салони за убавина, на сите што работат во други немедицински контактни професии им е кажано да ги затворат своите деловни активности до 19 јануари. Сите бизниси принудени да затворат ќе имаат право на финансиска поддршка. Центрите во заедницата и хотелите (но не и нивните ресторани) ќе останат отворени.

На деца до 18 години ќе им биде дозволено да продолжат со тренинзи за тимски спортови на отворено. За возрасни, спорт може да се игра или практикува само за максимум две лица на растојание од 1,5 метар.

Покрај затворањето на голем број установи, владата ги смени правилата за максимален број гости во домаќинствата и максимална големина на групата: максимум двајца гости во домаќинството дневно (не броејќи деца под 13 години), исклучок ќе биде направен за 24, 25 и 26 декември, кога може да се примат максимум од тројца гости (не броејќи деца) на ден. Кога сте надвор, максимална големина на група е од двајца (ако не се од исто домаќинство).

Сите овие мерки ќе стапат на сила оваа недела и ќе дејствуваат заедно со мерките што беа објавени на 13 октомври и ќе важат за време на празничниот период: останување дома, работење од дома и ограничено патувањето колку што е можно повеќе, сите со симптоми да останат дома, угостителските објекти да останат затворени, продажба на алкохол во продавници забранета по 20 часот, максимум 30 лица за затворени простории каде што седат луѓе, препорака да не се патува на меѓународно ниво (и да не се резервираат патувања најмалку пред средината на март). А.Р.