Пред неколку години ја сретнав Бети облечена во многу убав фустан…Изгледаше како од модните писти…Ја прашав од каде ти е фустанот и има ли број за мене. Бети ми одговори дека го купила од еден бутик во Дебар Маало, кај некоја млада девојка која шие по мерка…Се сеќавам ми рече – Нема што нема, а се е во твој стил! Наредниот ден отидов и како што ми рече Бети си купив неколку фустани, маици, мантил…
Девојката која што ме пречека ми се претстави како Сара и ми кажа дека сите модели се нејзини! Се случи „љубов на прв поглед“! Уште неколку пати купував во Сари Ги и секогаш задоволна со полни кеси се враќав дома…А, младата и надежна Сара само напредуваше со нејзините модели и модни идеи…Оттогаш до денес, Сара „израсна“ во главна трендсетерка на скопската модна сцена…А, тоа го покажа и на овогодишниот 17-от Моден викенд Скопје, сезона пролет -лето 2018 што се одржа во Националната и универзитетска библиотека “Св.Климент Охридски”.
Последната вечер започна токму со ревијата на модната креаторка Сара Реџиќ, нејзиниот бренд и модно студио “Sari Gi” и колекцијата “La vie an rose”. Сара Реџиќ беше вистинско освежување, со модели кои се одлика на елегантност и женственост, модели кои се растреперени и нежни како жената, со бои кои го отсликуваат вашето расположени и се за секој дел од денот, за секоја прилика, во кое ќе се чувствувате совршено, сигурно во себе и прекрасно.
Едно е сигурно – “Животот во розово” ја продоложува низата на совршени дела на младата Сара.
За својата колекција , Сара вели : „Жените се херои на секојдневието. Во природата на секоја жена постои едно „розово“ катче. За да успее да го преброди денот, обврските, животот, жената има потреба одвреме-навреме да побегне во својот „живот во розово“, да блесне, да зачекори како кралица. Токму таму е нејзиниот „La vie en rose“ свет од кој црпи сила на животот и светот да гледа со розови очила.“
Покрај неа на сцената продефилираа и брендот „YILKA BRADA“ од Косово со колекцијата „Modish“, Јагода Пачемска од арт-студиото „Фа-Бу“, деби колекцијата „Будење“ на „Ателје Магдалена“ и Олгица Ѓоргиева со „Destination“, инспирирана од книгата „Мемоарите на една гејша” од Артур Голден.
Погледнете дел од ревијата на Сара Реџиќ:
