Температурен рекорд на Арктикот од повеќе од 38 степени Целзиусови е забележан минатата година во сибирскиот град Верхојанск за време на продолжен топлотен бран што предизвика загриженост за интензитетот на глобалното затоплување, потврди во вторникот Светската метеоролошка организација (СМО).
Верхојанск, каде што на 20 јуни 2020 година беше забележана рекордна висока температура, се наоѓа на 115 километри северно од Арктичкиот круг, регион кој се загрева двојно побрзо од глобалниот просек. Екстремните горештини придонесоа за ширење на пожарите во шумите и тундрата во северна Русија. Во исто време, тие предизвикаа пожари, обично тресети преплавени со вода, со рекордни емисии на јаглерод диоксид.
„Можно е, навистина многу веројатно, во иднина да има повисоки температурни екстреми во регионот на Арктикот“, се вели во соопштението на Светската метеоролошка организација (СМО).
Во оваа област, агенцијата на ОН досега има спроведено рекорден број студии за временските екстреми, имајќи предвид дека климатските промени поттикнуваат бури и невидени високи температури.
Бидејќи податоците за влијанието на климатските промени врз арктичкиот регион се нова категорија, тие требаше да се проверат и споредат со другите постоечки податоци како дел од процесот кој вклучува голема мрежа на волонтери. Забележаниот температурен рекорд сега е вклучен во официјалните документи на Светската архива за временски и климатски екстреми, еден вид Гинисова книга на рекорди за временски услови, која, на пример, евидентира податоци за најсилниот град и најдолгиот блесок на молња.
Светската метеоролошка агенција претходно воведе нова категорија за регионот на Антарктикот, а по поднесувањето на апликацијата во 2020 година воведе и нова категорија за Арктикот. Во соопштението на агенцијата се наведува дека 2020 година била една од трите најтопли години во историјата на мерењата.
Во исто време, комитетот на СМО ги испитува другите потенцијално рекордни температури, како онаа забележана во 2020 година во Долината на смртта во Калифорнија и температурата од 48,8 степени Целзиусови измерена на 11 август 2021 година во близина на сицилијанскиот град Сиракуза. Се уште станува збор за неофицијален нов рекорд за Италија, но и за цела Европа. А.Р.
