Меѓу луѓето заразени со вирусот корона во САД има повеќе од еден милион деца. Американската академија за педијатрија (ААП) и Унијата на педијатриски болници во заедничкото соопштение наведоа дека од почетокот на пандемијата до 12 ноември е потврдена инфекција со коронавирус кај 1.039.464 деца во САД.
Во соопштението се наведува дека во последната недела во САД, потврдена е инфекцијата со корона со вирус кај 111.946 деца, пренесува Анадолија. Шефицата на ААП, Салу Гоза, рече дека бројот на заразени деца е изненадувачки и запрепастувачки, бидејќи таква експлозија на вирус никогаш порано не била видена кај најмладата популација.
Повеќе од 55 милиони заразени
Корона вирусот се појави во кинескиот град Вухан кон крајот на минатата година, а Светската здравствена организација (СЗО) прогласи глобална пандемија COVID-19 на 11 март оваа година. Од почетокот на пандемијата COVID-19 во светот, инфекцијата со коронавирус е потврдена кај 55.091.740 лица, а 38.317.724 пациенти се опоравиле.
Во светот 1.328.316 луѓе починаа од инфекција со коронавирус. Во моментов има активно заразени 15.445.700 лица во светот, од кои 99.207 се сериозно болни. Пандемијата COVID-19 ги погоди најтешко САД, со 11.417.590 заразени и 252.075 мртви.
„Заклучувањето“ започна во Австрија
Австрискиот парламент донесе одлука за второ „заклучување“ на Австрија, со ограничување на движењето што ќе важи во текот на целиот ден, со цел да се сузбие ширењето на коронавирусот. Новите мерки за целосно „заклучување“, про пример на пролетните, ќе се применуваат од вторник и ќе важат до 6 декември, а целта им е драстично да се намалат контактите.
Покрај угостителските и хотелските капацитети, затворени се и продавниците, освен прехранбените, дрогерии, аптеки, банки, пошти и бензински пумпи. Ограничувањето на движењето е продолжено на целиот ден, така што граѓаните ќе можат да излезат од своите „четири sида“ само доколку треба да ги купат најважните намирници, да помогнат на некој друг, да одат на работа или да се шетаат од ментални и физички причини, односно да шетаат миленик.
Училиштата исто така се затвораат, односно сите возрасти се селат на учење од дома.
За разлика од „благото заклучување“, кое беше усвоене на почетокот на ноември и кое предвидуваше полициски час од 20 часот навечер до 6 часот наутро, со затворање на гастрономијата, хотелиерството, овој пат само владејачките партии – Народната партија на Австрија (ОВП) и Зелените – гласаа за нови мерки. Опозицијата, вклучително и Социјалдемократската партија на Австрија (СПО), која ја поддржа претходната мерка, ја критикуваше владата.
СПО и НЕОС истакнаа дека сметаат дека заклучувањето е вистинска мерка, но не го поддржуваат планираното затворање на училиштата. Партијата за слобода на Австрија (ФПО) целосно го отфрла „заклучувањето“. Шефот на парламентарната група на ОВП во парламентот, Август Вегингер, ја обвини опозицијата за неодговорно однесување.
Нови смртни случаи во Москва
Бројот на смртни случаи од коронавирус во Москва се зголеми за 74 во изминатиот ден, соопшти градскиот центар за контрола и следење на коронавирусот.Сите починати имале пневмонија и потврдена инфекција со корона вирусот, пренесува агенцијата Тасс. Од почетокот на пандемијата во главниот град на Русија, 7.933 лица починаа од корона вирусот.А.Н.
