Европската комисија им предложи на земјите-членки на ЕУ да и дадат кандидатски статус на Босна и Херцеговина, со услови. Zа кандидатскиот статус со услови Советот на Европската унија, односно сите членки, едногласно ќе одлучуваат во декември годинава.
Од БиХ беше побарано да работи на реформите и беа наведени осум приоритети. Се очекува во декември да добие позитивен одговор од членките, со оглед на тоа дека тоа е идентична формула на препораката на ЕК како што беше случајот со Украина и Молдавија.
Како што пренесува „Кликс“, досегашното искуство покажува дека членовите би можеле да постават дополнителни барања покрај оние што ги дава Европската комисија, но кандидатскиот статус е речиси сигурен.
