Турскиот претседател Реџеп Таип Ердоган разговараше со рускиот претседател Владимир Путин и се договорија следната рунда разговори меѓу Украина и Русија да се одржи во Истанбул. Ердоган го повика Путин на прекин на огнот и подобри хуманитарни услови за цивилите по руската инвазија на Украина, објави неговиот кабинет.
Ердоган ја истакна потребата за прекин на огнот во Украина што поскоро. Тој исто така рече дека Турција е подготвена да обезбеди хуманитарна помош, пренесува руската новинска агенција Интерфакс.
Турција се надева дека преговорите во Истанбул ќе доведат до прекин на огнот и мир во Украина, изјави турскиот министер за надворешни работи Мевлут Чавушоглу.
„Се надеваме дека овие преговори ќе доведат до прекин на огнот и ќе создадат услови за мир“, рече тој.
