Кога е ладно, дождливо или доаѓа ненадејна промена на времето, дали зглобовите одеднаш ве болат многу? Се прашувате зошто и со што се поврзани времето и зглобовите?

Иако точните причини за оваа состојба не се познати, се верува дека можните виновници можат да бидат:

-висока влажност на воздухот

-ненадејни промени на времето

– низок воздушен притисок (тогаш зглобовите често отекуваат)

-ниска температура (зглобовите тогаш се уште поболни затоа што студот влијае на „подмачкувањето“ на зглобовите)

Според студија спроведена во 2014 година, која е објавена во „BMC Musculoskeletal Disorders“, дури 67% од луѓето кои страдаат од остеоартритис се чувствителни на промените на времето. Таквите луѓе почесто од другите страдаат од болни и вкочанети зглобови.

Можни причини за болни зглобови кога времето се менува:

  1. Низок воздушен притисок или ненадејна промена на притисокот

Течноста што ги подмачкува зглобовите е чувствителна на ненадејни промени во воздушниот притисок. При тоа се мисли особено на падот на притисокот. Со намален притисок на воздухот, течноста во зглобовите добива помал притисок и може да создаде оток и воспалителни процеси во околните ткива и зглобови.

Со ненадејни промени во воздушниот притисок, тетивите, ткивата и мускулите се собираат или се шират. Тоа влијае на вашите зглобови, кои како резултат стануваат болни.

  1. Студ

На ниски температури, течноста во зглобовите станува погуста и помалку подвижна. Како резултат, тие стануваат крути и нефлексибилни, што го отежнува секое движење. Зглобовите се најболни во моментот на ненадеен пад на температурата на воздухот.

  1. Лоша циркулација на крвта во екстремитетите

Според научниците, во постудените денови, крвта тече кон виталните органи, како што се срцето и белите дробови. Ова исто така значи дека протокот на крв во екстремитетите и зглобовите е намален. И тоа може да биде едно од објаснувањата за поголема болка во зглобовите.

  1. Пасивен начин на живот (неактивност)

Кога е ладно или има многу влага во воздухот, дали имате тенденција да останете дома, да не се движите и само да седите? Заради неподвижност, зглобовите стануваат крути и нефлексибилни, па со тоа и се болни.

  1. Лошо расположение

Големиот студ, а особено дождливите денови, некако ве вовлекуваат во лошо расположение и негативни емоции? Кога сте во таква емотивна состојба, сте склони поинтензивно да чувствувате и непријатност и болка.

Како да си помогнете со артритис и болни зглобови:

  1. Не заборавајте на физичката активност – дури и во зима!

Без оглед на вашата возраст, многу е важно да се движите секој ден и да бидете активни, а тоа важи и за време на студените денови. Сите истражувања покажаа дека физичката активност значително ја ублажува болката во артритисот. Ако надвор врне или паѓа снег, секогаш можете да ја ставите прекривка на подот и да направите вежби за истегнување или да возите домашен велосипед. Студот и дождот не се оправдување да седите пред ТВ и да останете така цел ден, со евентуална пауза за ручек. Можете исто така да побарате и некој затворен базен и да започнете да пливате рекреативно. Пливањето е одлично за здравјето на зглобовите!

  1. Загрејте се пред излегување и облечете се во слоеви

Ако надвор е многу студено, стоплете се (носете топли чорапи и ракавици затоа што стапалата и рацете ви се особено чувствителни) и облечете се во слоеви. Ако работите физичка активност на отворено, секогаш облечете се топло, но така да можете да соблечете вишок облека во секое време.

  1. Јадете храна што го намалува воспалението во вашето тело

Ако страдате од болни зглобови, внимавајте на изборот на храна. Консумирајте антиинфламаторна храна – природни намирници како што се свежо овошје и зеленчук богати со хранливи материи и антиоксиданти. Зголемете го внесувањето лук, кромид, куркума и ѓумбир.

  1. Пружете си доволно часови квалитетен сон

Добриот сон е клучен за вашите здрави коски и зглобови. Во текот на ноќта, додека спиете цврсто, вашите коски и зглобови се обновуваат и се формираат нови клетки. Ако ви недостасува сон, овој процес е значително нарушен. Затоа, почестете се со 7-8 часа квалитетен сон секоја вечер. А.Н.