Извршниот директор на американскиот производител на електрични автомобили „Тесла“, Илон Маск, во средата објави дека ќе може да се плаќа за автомобилите на компанијата со користење на крипто валутата биткоин.
„Ќе можете да платите за Тесла со биткоини“, напиша претприемачот на својата страница на Твитер во средата.
Опцијата за плаќање со биткоин ќе биде достапна надвор од САД кон крајот на 2021 година, додаде Маск.
Американската компанија „Тесла“ на 8 февруари објави дека инвестирала 1,5 милијарди долари во биткоин и најави дека во блиска иднина ќе им овозможи на клиентите да плаќаат за нејзините автомобили во таа крипто валута.
„Една од најголемите компании во светот инвестираше во биткоин, што значи дека се изложени и сите инвеститори во Тесла (или барем само еден фонд во (индексот) S & P-500)“, порача тогаш Илон Маск.
Тој исто така поддржа и други дигитални валути, како што е „догекоин“. А.Н.
