Кина го одобри првиот лек за луѓето со Ковид-19, две години откако болеста првпат беше откриена на нејзино тло, од каде што се прошири во пандемија.  За разлика од вакцината, која има превентивно дејство, лекот, кој доби зелено светло од кинеските служби, ги спречува заболените од Ковид-19 да развијат тешки компликации.

Таа азиска земја, која првпат го дијагностицираше вирусот САРС-КоВ-2 во центарот на Вухан кон крајот на 2019 година, успеа речиси да ја искорени болеста со примена на многу радикални мерки како што се строго затворање на границите, строги контроли на движењето и мерки за затворање.

Кинеските власти досега не одобрија ниту една вакцина освен оние произведени од домашни научници и велат дека повеќе од 70 отсто од населението е вакцинирано. Сепак, земјата се соочи со нови локални жаришта во последните месеци, но тие бројки се ниски и неспоредливи со дневниот број на заразени во странство.

Националната агенција за лекови објави дека „итно одобрила“ кинески лек против ковид-19 базиран на моноклонални антитела. Моноклоналните антитела се врзуваат за протеинот на коронавирус и на тој начин ја намалуваат неговата способност да навлезе во човечките моноцити.

Лекот се администрира со инјектирање и е развиен од престижниот Универзитет Цингхуа во Пекинг, болница бр. 3 од Шенжен (јужна Кина) и компанијата “Брии Боисајансис“.

Според Универзитетот Цингхуа, клиничките испитувања покажаа дека третманот може да ги намали хоспитализирањата и заканата од смрт кај подложни пациенти за 80 проценти. Локалните медиуми јавуваат дека лекот бил даден на луѓе кои неодамна се разболеле кога се појавиле нови епидемии на Ковид-19.

Кина во четвртокот објави дека има 83 заразени низ целата земја. Во Кина се користат неколку вакцини развиени од тамошните научници, но нивната ефикасност е помала од вакцините развиени во странство.

Светската научна организација (СЗО) одобри две кинески вакцини, производителите Синовац и Синофарм. А.Н.