Експертите предупредуваат дека климатските промени ќе ги сменат и нашите навики во однос на храната и пијалоците. Па, во таа насока, тврдат дека не треба премногу да се приврзуваме на вината од сортата „каберне совињон“ или „пино-ноар“, бидејќи истражувањата покажуваат дека ќе дојде до недостаток од грозјето поради се поголемите климатски катастрофи кои ни се случуваат.
Најавите за се потопли лета, потопли зими, суша и насилни временски настани ги натераа експертите да предупредат дека доаѓаа до недостигот на вино и зголемувањето на неговата цена, промената на сортата и во најлошите предвидувања, изумирања на некои сорти вина.
Ефектите од не превземање ништо во однос на митигација на климатските промени, научниците сметаат дека ако не се стори ништо во ублажување на последиците, глобалното затоплување од 2 Целзиусови степени би избришело 56% од сегашното земјиште за производство на вино; доколку пак температурата се зголеми за 4 степени, тогаш околу 85 проценти од грозјето нема да биде одржливо.
Истражувачите испитувале дали користењето на повеќе топлинско толерантно грозје ќе им овозможи на лозовите насади да се прилагодат. Откриле дека со реструктуирање каде се одгледуваат одредени сорти на грозје, потенцијалните загуби на 2 степени на затоплување би можеле да се преполоват, а да се намали за третина ако затоплувањето достигне 4 степени.
Што навистина значи „опасна“ климатска промена?
Истражувачите, предводени од Игнасио Моралес-Кастиља од универзитетот „Алкали“ во Шпанија и Елизабет Волкович од Универзитетот во Британска Колумбија од Ванкувер, се фокусираа на 11 сорти на вино грозје, вклучувајќи каберне совињон, шардоне, мерлот, пино ноар, ризлинг, совињон блан и сирах, како и помалку познати сорти – шасили, гранаши, монастрел (познати и како мурвере) и уган бланс. Заедно, овие сочинуваат третина од вкупната површина засадена со грозје и претставуваат важни делови на винската индустрија во Франција, Австралија, Нов Зеланд и Чиле.
Тимот користеше архиви на винтернер и истражувач за да направи регистер или база на податоци за тоа кога секоја сорта цвета и зрее во регионите за одгледување на вино низ целиот светм и симулација што би се случили под три различни сценарија на затоплување. Потоа ги искористиле проекциите за климатските промени за да се види каде тие сорти би биле остварливи во иднина.
„Секоја сорта има различна чувствителност на климата“, вели Бен Кук, еден од авторите на студијата и професор на опсерваторијата „Ламонт-Доерти“ на Универзитетот Колумбија и Институтот за вселенски истражувања на НАСА Годард. „Во суштина, заменувањето на сорти со повеќе погодни сорти на новонастанатите временски услови,попознати како обрт на сорти, ја зголемува еластичноста кон климатските промени. Тоа е приказна за ублажување и прилагодување “.
Во моделирањето на студијата, информациитедо кои дошле истражувачите говорат дека најголеми загуби има во Шпанија, Италија и делови од Калифорнија кои се веќе прилично топли. Но, има „победници“ во симулацијата со затоплувањето: Во Германија, северна Европа и Пацификот, северозападно од Соединетите држави, каде од пред неколку години тие се борат да добијат доволно сончеви часови за да го олеснат ставањето и зреењето, трендот на затоплување може да произведе драматично подобри вина.
„2010-тите беа изгубена декада за климата. Не можеме да си дозволиме да се повтори!“, предупредуваат научниците.
Кук вели дека менувањето на сорти на грозје не е единственото решение да се повлече од ефектите на климатските промени. Многу лозови насади се топографски комплексни и ќе овозможат микроклимати, особено ако лозјата се преселат на повисоко тло. Преместувањето на лозовите насади на падините со северна страна може исто така да ги забави ефектите. И во Франција, вели Кук, каде што не се користи наводнување, може да се користи наводнување.
„Сакавме да дадеме поинаква перспектива за сите оние апокалиптични преземања“, вели Кук. „Винарите се интересираат и се свесни за климатските промени и многу од нив се навистина загрижени. Тие гледаат работи што досега не ги виделе, како што се бури и топлински бранови.“
Офеф Крут, претседател на ГилдСом, меѓународна организација за сомелиери, вели дека винариите се разбирливо загрижени за неизвесностите на климатските промени, „но важно е да се запамети дека има десетици решенија кои имаат значително влијание врз тоа како лозјата реагираат на климата. “
Она што е интересно е дека Шампањ ја гледа Англија како ново место за високо квалитетни пенливи вина. Во јули, Бордо дозволи да се садат голем број нови сорти грозје. Претходно беше нелегално да се засади ништо друго освен петте главни историски сорти на грозје. И во Италија, нова програма работи на одгледување на традиционално винифера грозје како мерло со хибриди кои се потешки и покажуваат поголема отпорност.
Сомелиерите и производителите на вино заклучуваат дека што и да се случи како резултат на климатските промени, треда да се има на ум дека на крајот на денот, треба да направат вина што луѓето ги сакаат.
А.Н.
