Бројот заболени од коронавирус во светот денес надмина 77 милиони, според податоците на порталот „Worldometers“. Меѓу земјите со повеќе од два милиони случаи се САД, кои имаат повеќе од 18,2 милиони случаи, а потоа следат Индија (10 милиони), Бразил (7,2), Русија (2,8) и Франција (2,4). ), Велика Британија (2), Турција (2).
Се опоравија 54,1 милиони луѓе и починаа 1,69 милиони пациенти. Бројот на активни случаи е 21,27 милиони (99,5 проценти), а бројот на пациенти кои се во сериозна состојба е 106 000 (0,5 проценти).
Во Индија, 24.337 новоинфицирани, други 333 починале
24.337 нови случаи на коронавирус се потврдени во Индија, соопшти денеска индиското Министерство за здравство. Вкупниот број на заразени лица во Индија достигна 10,06 милиони, а земјата е на второто место во светот, по САД, пренесува „Ројтерс“.
Бројот на новоинфицирани лица се намали откако го достигна својот врв во септември. Уште 333 лица починаа од коронавирус во Индија, а вкупниот број на смртни случаи од почетокот на пандемијата е 145.810.
Индија е на третото место во светот според бројот на смртни случаи од ковид-19, по САД и Бразил.
Австралија: Бројот на заразени во Сиднеј се намалува
Австралиската држава Нов Јужен Велс, чиј главен град е Сиднеј, денес забележа најмало зголемување на заболени од коронавирус во последните три дена, бидејќи 15 лица биле позитивни, во споредба со 36 колку што биле позитивни претходниот ден.
Здравствената служба на оваа држава потврди дека открила неколку случаи на нов вид на ковид-19, кој се појави во Велика Британија, објави Ројтерс.
Премиерката на Нов Јужен Велс, Гледис Береџилијан, рече дека е рано да се каже дека е запрено поголемо заразување, откако северозападните предградија на Сиднеј влегоа во третиот ден од петте дена затворање, колку што беше планирано.
„Задоволна сум од она што го видов преку ноќ, но ситуацијата сè уште лесно се разгорува“, рече премиерката.
Владата ќе објави до среда како ќе изгледа Божиќ во следните неколку дена, во однос на ограничувачките мерки. Сепак, другите австралиски држави брзо ги затворија границите за сите пет милиони жители на Сиднеј, нарушувајќи ги плановите за Божиќни патувања.
“Очигледно, 2020 година не заврши со нас. Настаните од претходните денови, не се сомневам, се неверојатно фрустрирачки и разочарувачки за луѓето од целата земја, кои планираа да бидат заедно за време на празниците и да патуваат”, изјави австралискиот премиер Скот Морисон.
Државата Нов Северен Велс во петокот воведе рестриктивни мерки за околу 250.000 жители на Сиднеј и беше утврдено дека на повеќе од 80 локации во Сиднеј, вклучително кафулиња, спортски сали, казина и супермаркети, престојувале лица кои подоцна заболеле од коронавирус.
Властите апелираа секој што бил во тие установи веднаш да се самоизолира или да се тестира за коронавирус, додека многу летови од Сиднеј беа откажани во понеделникот.
Кина: Уште 23 лица се разболеа од ковид-19
Кина во неделата забележа 23 нови случаи на коронавирус, што е ист број новозаразени во споредба со саботата, соопшти денеска Министерството за здравство. Се додава дека од 23 случаи, 21 се од странство, и дека два локални преноси се случиле во провинциите Лиаонинг и Хејлонгјанг, објави Ројтерс.
Покрај тоа, на 20 декември се евидентирани 15 асимптоматски случаи, што е за десет помалку од претходниот ден. Досега во Кина од ковид-19 заболеле 86.852 лица, а 4.634 починале.
Оман ги затвора границите 7 дена поради новиот вид на ковид-19
Оман најави дека ќе ги затвори своите копнени, воздушни и морски граници во вторник по полноќ за една недела, објави денеска државната телевизија. Одлуката следеше по примерот на други земји кои воведоа мерки по избувнувањето на новиот вид ковид-19, јави ТВ Оман, пренесува Ројтерс.
Според последните податоци, вкупниот број на позитивни случаи на ковид-19 во Оман достигна 127.677, додека бројот на опоравени пациенти е 119.574, или 93,7 проценти. Вкупниот број на потврдени смртни случаи поврзани со ковид-19 во оваа земја е 1.488, објави Министерството за здравство. А.Н.