Сателитските снимки на НАСА покажаа драматичен пад на нивото на загадување над Кина, што е „барем делумно“ како резултат на економското застој поттикнато од корона вирусот, вели американската вселенска агенција Наса. Мапите на Наса покажуваат пад на нивото на азотниот диоксид оваа година.

Тоа доаѓа во време на пад на рекорди во фабричката активност во Кина, бидејќи производителите престануваат да работат во обид да го спречат ширењето на коронавирусот.  Откако во Кина започна да се јавува заразата, па се до сега кога се регистрирани скоро 80.000 случаи на вирус,  голем дел  од граѓаните останаа да дома, а фабриките ги затворија вратите.

Колку е смртоносен коронавирусот?
Научниците од Наса рекоа дека намалувањето на нивото на азотниот диоксид – штетен гас што го испуштаат моторни возила и индустриски објекти – најпрво бил очигледен во близина на изворот на избувнување во градот Вухан, но потоа се прошири низ целата земја.

Наса ги спореди првите два месеци од 2019 година со истиот период оваа година.
Вселенската агенција забележа дека падот на нивото на загадување на воздухот се совпадна со ограничувањето наметнато за транспорт и деловни активности, а откако милиони луѓе отидоа во карантин.

„Ова е првпат да видам таков драматичен пад на толку широко подрачје за специфичен настан“, се вели во соопштението на Феи Лиу, истражувач за квалитет на воздухот во Центарот за вселенски летови на Годард на Наса.

Таа додаде дека забележала пад на нивото на азотниот диоксид за време на економската рецесија во 2008 година, но рече дека тогаш намалувањето било постепено.

Наса истакна дека лунарните новогодишни прослави на Кина кон крајот на јануари и почетокот на февруари се поврзани со намалување на нивото на загадување во минатото. Но, се вели дека тие нормално се зголемуваат откако ќе завршат прославите.

„Оваа година, стапката на намалување е позначајна отколку во изминатите години и трае подолго“, рече г-ѓа Лиу.

„Не сум изненадена затоа што многу градови низ целата земја презедоа мерки за минимизирање на ширењето на вирусот“.