Бројот на заразени од корона вирусот ширум светот ја надмина бројката од 1,8 милиони денес, со повеќе од 113.000 починати. Точно 1.844.983 луѓе во моментот се заразени и скоро 421.767 луѓе се целосно закрепнати, пренесува Worldometers. До денес, епидемијата зафати 210 земји и територии и два меѓународни крстосувачи. Најголем број на заразени има во САД – 557.043 каде починаа 21.952 лица. Во Шпанија се заразени 166.127 лица, а починале 17,113 лица. Италија е трета земја по бројот на заразени, 156.363 случаи, но оваа земја е на второ место по смртност – 19.899.
Уште 6 лица починаа од коронарна вирусна инфекција во Србија, објави денеска прес-конференција во Палатата на Србија. Од последниот извештај, биле тестирани 1.913 лица, од кои 250 биле позитивни. Хоспитализирани се вкупно 2.684 пациенти, 146 пациенти на респиратор, вкупно 8.312 лица биле тестирани до 15 часот.
Американскиот претседател Доналд Трамп прогласи и во државата Вајоминг состојба на голема катастрофа заради пандемијата на вирусот, така што сега сите 50 држави во САД се со тој статус.
Според портпаролот на Белата куќа, Дир, ова е првпат во историјата да се случи голема катастрофа во сите 50 држави во исто време, пренесува Фокс њуз. Од денес, Соединетите држави се земја со најголем број смртни случаи од корона вируст, со над 20.000 смртни случаи, пренесува Ројтерс.
Во последните 24 часа во Шпанија починаа 507 луѓе, соопшти денеска Министерството за здравство. Вкупниот број случаи на инфекција се зголеми на 166.127 од 161.852. Исто така, закрепнати се 62.391 лица.
Бројот на смртни случаи од коронарен вирус во болниците во Англија е зголемен за 737 на 10.612, соопштија официјални лица во Англија. Од 737 жртви, 42 пациенти биле на возраст меѓу 30 и 98 години и немале други медицински состојби, пренесува Ројтерс.
Борис Џонсон ја напушти болницата откако помина една недела во болницата поради КОВИД-19. Тој преку својот профил на Твитер им се заблагодари на сите медицински лица кои се грижеа за него и особено на двете медицински сестри кои се грижеле за него 48 часа.
Има добри вести од Италија. Во земјата каде што вирусот корона однесе скоро 20.000 животи, денеска го слави раѓањето на Џулија, женско бебе кое го виде светлото на денот на Клиниката за деца во Бучи. Џулија е посебна затоа што и нејзините родители биле заразени со вирусот корона, но и двајцата ја преживеале болеста. Инаку, католиците го слават Велигден денес. Во многу земји, сепак, немаше собири низ храмовите поради вирусот корона. Италија и Ватикан, Велигден го поминаа во карантин.
Н.Д.
