Играта „Солитер“ на „Мајкрософт“, која го научи светот да користи глушец и да троши невидени количини на време, денес полни 30 години. Играта за прв пат излезе со „Виндоус 3.0“, започната во 1990 година со голема помпа, а и натаму ја играат 35 милиони луѓе месечно на 200 пазари и 65 јазици, пишува „Енгаџет“.
„Виндоус 3.0“ е првата популарна верзија на „Виндоус“, која е продадена во 10 милиони копии. Во тоа време, многу луѓе користеа ДОС на компјутерите и никогаш не користеа глушец. „Солитер“ беше можеби првата апликација за „гејмификација“ која ги научи луѓето како „да влечат и да испуштаат“ на шарен и крајно зараазен начин. Во играта (програмирана од Мајкрософт практикантот Вес Чери) имаше дури и „режим на шеф“ кој ви овозможува да излезе лажна табела ако вашиот шеф дојде ненадејно. Сепак, ова не стигна во конечното издание на „Виндоус 3.0“.
Пасијансот не е само одлично поминување на времето што не бара премногу размислување, туку порано беше начин за груба проверка на брзината на вашиот компјутер. Тој беше лансиран непосредно откако Интел го претстави процесорот 80286, кој исфрлаше карти со реална брзина. „Мајкрософт“ очигледно ја заклучи анимацијата во согласност со перформансите на својот компјутер, меѓутоа, до моментот кога се појави Пентиум процесорот, тој работеше со прилично добри брзини.
„Солитер“ беше укинат во Виндоус 8 верзијата, но Мајкрософт го врати за Виндоус 10 во 2015 година. „Мајкрософт Солитер“ колекцијата сега има пет различни режими, заедно со секојдневни предизвици, интеграција на Xbox Live, па дури и натпревари. За да ја прослави годишнината, „Мајкрософт“ ги поканува играчите да се приклучат на неговиот настан во најголем број и така да го одбележат јубилејот. А.Р.
