Компанијата „Мув хаб“ (MoveHub) која обезбедува информации за најпопуларните миграциски дестинации, неодамна објави анкета во која пресмета колкави се трошоците за живот во земјите во светот. Истражувањето користеше податоци од најголемите кориснички бази на податоци во светот, а индексот на потрошувачки цени зема предвид колку луѓето плаќаат за намирници, превоз, ресторани и комунални услуги.
Според ова истражување, релативните трошоци за живот се споредени со животот во Њујорк, чиј индекс на потрошувачки цени (CPI) е 70. Претставени се по 10 најевтини и најскапи земји за живот. Во заградите е означен CPI.
Најевтини земји за живот Најскапи земји за живот
– Пакистан (25.08) – Бермуди (144.88)
– Египет (25,69) – Швајцарија (131,39)
– Украина (25,98) – Исланд (123,96)
– Индија (26,88) – Норвешка (113,70)
– Тунис (27,67) – Бахами (100,68)
– Сирија (27,81) – Луксембург (96,56)
– Косово (29.44) – Данска (93.30)
– Грузија (29,66) – Сингапур (91,40)
– Азербејџан (30,62) – Јапонија (86,58)
– Бангладеш (31,99) – Израел (86,53)
Според ова истражување, најевтина земја во светот е Пакистан, а ја следат Египет и Украина. Меѓу десетте наевтини земји во светот се најде и една земја од регионот, Косово – на седмата позиција.
Кога станува збор за најскапите земји, Бермуди е на водечката позиција, а следат Швајцарија и Исланд. Од земјите во регионот, најскапи за живот се Словенија и Хрватска, а најевтина е Македонија.
Словенија е убедливо најскапа, а Македонија е најевтината земја во регионот. Во Љубљана цените на намирниците се повисоки од оние во Белград за дури 42,66 отсто, додека цените на истите производи во Скопје се поевтини за 13,21 отсто во споредба со главниот град на Србија.
Покрај во главниот град на Македонија, цените се пониски отколку во Белград само уште во Сараево и тоа за 1,83 отсто, додека за истите намирници во Загреб и Подгорица потребно е да се издвојат повеќе пари.
