Меѓу граѓаните се шири мејл со невистинита содржина, испратен од лажна адреса која наликува на Министерство за здравство, соопштија оттаму.

Од министерството за здравство додаваат дека е известен секторот за компјутерски криминал и дигитална форензика при Министерството за внатрешни работи, кој веќе постапува за овој случај.

Официјалната мејл адреса на ресорното Министерство е: contact@zdravstvo.gov.mk.

Од министерството за здравство апелираат граѓаните да не потпаѓаат на оваа манипулација, поспочувајќи дека ширењето лажни информации, особено во овие кризни времиња е опасно за здравјето и безбедноста на граѓаните и штетно за целото општество. А.Р.