Компанијата „Модерна“ објави дека одредени документи поврзани со поднесување на нивната вакцина против ковид-19 за одобрување, биле изложени во хакерски напад минатата недела.
Имено, Европската агенција за лекови (ЕМА) беше цел на сајбер напад, а меѓу другото, криминалците пристапија до некои документи поврзани со вакцината на „Модерна“.
ЕМА, која одобрува лекови и вакцини за Европската унија, на почетокот на овој месец соопшти дека биле нападнати нивните сервери, а покрај компанијата „Модерна“, загрозени биле и документите на компаниите „Фајзер“ и „БиоНТек“, кои исто така развиваат вакцина за коронавирус.
„Модерна“ рече дека, и покрај нападот, засега не изгледа дека е загрозен идентитетот на кој било учесник во тестирањето за вакцини. А.Р.