epa07879915 The Russian opposition's mayoral candidate Alexei Navalny attends an opposition rally in support of political prisoners in Moscow, Russia, 29 September 2019. Some 20,000 people reportedly attended the rally in Moscow demanding the release of previously detained protesters. EPA-EFE/SERGEI ILNITSKY

Рускиот опозициски лидер Алексеј Навални, кој се лекува во берлинската болница Чарите, каде што долго време беше во кома, изјави дека сака да се врати во Русија. Според „Њујорк тајмс“, повикувајќи се на германски извори, Навални му открил на обвинителот што планира да направи кога ќе се опорави.

“Тој нема намера да биде во егзил во Германија. Тој сака да се врати дома во Русија и да ја продолжи својата мисија”, откри службеник на германските служби за безбедност.

Германскиот службеник потврди за „Њујорк тајмс“ дека рускиот опозициски лидер е со „остар ум“.

„Тој е целосно свесен за неговата состојба, за тоа што му се случило и знае каде е“, рече овој анонимен службеник.

Боличарите кои го лекуваа Навални, откако му се слоши во авион минатиот месец, не утврдија зголемување на шеќерот во крвта на првичните тестови и не видоа знаци на метаболичко нарушување, потврдија пет медицински извори за Ројтерс.

Нивните извештаи се во спротивност со дијагнозата поставена и објавена во јавноста од лекарите во Итната болница во Омск, каде се лекувал, кои рекоа дека Навални паднал во кома поради метаболичко нарушување и имал четири пати повисоко ниво на шеќер во крвта од нормално.

Германија, каде што Навални беше однесен на понатамошно лекување по дводневен третман во Омск, соопшти дека Русија го отрула со реткиот нервен агенс – новичок. Берлин побара објаснување од Москва и повика на санкции.

Кремљ соопшти дека обвинувањата се „неосновани“ и дека не „виделе“ докази за труење и побара од Германија да обезбеди докази за труење. Државните обвинители во Берлин во петокот објавија дека ќе ги предадат информациите доколку Навални, кој во меѓувреме излезе од кома, се согласи со тоа. А.Р.