Нов силен земјотрес со јачина од 6,3 степени ја погоди Хрватска денес, а неговиот епицентар беше на 47 километри од Загреб, околу Петриња. Земјотресот се почувствува на крајбрежјето – во Риека, Вуковар, Сплит, а се почувствува и во целиот регион, во Србија, Босна и Херцеговина.
Според ЕМСЦ, по првиот потрес кој се случи во 12.20 часот, се почувствувал уште еден помал, пренесува порталот „Индекс“. Телефонските врски во Хрватска најверојатно се во прекин. Во Петриња нема струја.
Новиот силен земјотрес се почувствува низ целиот егион. Медиумите јавуваат дека во Загреб е драматично. Земјотресот беше почувствуван во Србија и БиХ – се тресеше во Белград и во Бања Лука, Сараево, Крајина и Зеница.
Првите сцени од Петриња се драматични, пренесува „Јутарњи лист“. Местото, како што се наведува, е полно со урнатини.
И во Загреб одекнуваат пожарни сирени, жителите на метрополата известуваат дека сè се тресе, доаѓаат извештаи за голема штета, а исто така снема и струјата. По силниот земјотрес, следеа уште два благи, двата посилни од четири степени.
Ова е втор силен земјотрес што го погоди Загреб оваа година. Првиот се случи на 22 март, а потоа следеа неколку помали штрајкови. А.Н.
