Веб-страницата www.vakcinacija.mk по пуштањето во употреба, за само неколку часа имала повеќе од 8000 регистрирани граѓани, соопшти синоќа на социјалните медиуми министерот за здравство Венко Филипче.

-Преку пополнување на апликација искажувате интерес за вакцинација против КОВИД-19. Сите апликации ќе бидат внесени во системот Мој Термин и нема потреба дополнително да го ажурирате податокот или да го барате и информирате својот матичен лекар дека сте се регистрирале. Согласно распоредот предвиден во планот за вакцинација, матичниот лекар ќе ве повика и ќе ве информира за точниот датум и час кога треба да се вакцинирате на пунктот кој ќе го изберете при регистрацијата. Во прва фаза ќе се вакцинираат здравствените работници и граѓаните над 70 години. Сите останати кои се регистрирале ќе бидат контактирани во матичниот тогаш кога нивната група ќе биде на ред за вакцинирање согласно националната стратегија. Вакцинирањето е доброволно и се спроведува согласно стратегијата за вакцинација во нашата земја. – појасни во објавата министерот Филипче.

Ваб страната како што известивме вчера, првично не беше достапна или не фунционираше, но проблемите беа надминати, сајтот повеќе не бара внесување безбедносен код и граѓаните веќе може да се пријавуваат за вакцинација. А.Н.