Со новата одлука на Регулаторната комисија за енергетика и водни услуги (РКЕ) дизел горивото од ноќеска на полноќ поевтинува за еден денар за литар, а цената на бензините останува иста.

Со измените новата малопродажна цена на ЕУРОДИЗЕЛ БС (Д-Е V) ќе изнесува 80,5 денари за литар, а ЕУРОСУПЕР БС – 95 останува со цена од 79 денари за литар, односно ЕУРОСУПЕР БС – 98 со цена од 81 денари за литар. Со одлуката на РКЕ за половина денар се намалува и малопродажната цена на Екстра лесното масло за домаќинство на (ЕЛ-1) и ќе изнесува 79,5 денари. За 1,372 денари за килограм поевтинува и Мазутот М-1 НС и ќе биде 39,283 денари за килограм.