Со одлука на Регулаторната комисија за енергетика и водни услуги (РКЕ)од полноќ бензините поскапуваат за еден денар по литар, а цената на дизелот се намалува за еден денар.

Со овие измени, новата малопродажна цена на ЕУРОСУПЕР БС-95 ќе изнесува 77 денари за литар, на ЕУРОСУПЕР БС-98 ќе биде 79,5 денари за литар. ЕУРОДИЗЕЛ (Д-Е V) ќе се продава за 80 денари за литар. Малопродажната цена на Екстра лесното масло за домаќинство (ЕЛ-1) се намалува за половина денар по литар и ќе изнесува 78,5 денари, а на Мазутот М-1 НС се зголемува за 1,36 денари за килограм и ќе изнесува 40,593 денари.