Бензините од ноќеска на полноќ поскапуваат за два денара за литар, а дизелот поевтинува за половина денар по литар, најави денеска Регулаторната комисија за енергетика и водни услуги (РКЕ).
Со овие измени, ЕУРОСУПЕР БС-95 ќе се продава за 90,5 денари за литар, ЕУРОСУПЕР БС-98 ќе чини 92,5, а ЕУРОДИЗЕЛ (Д-Е V) 89,5 денари за литар. Екстра лесното масло за домаќинство (ЕЛ-1) останува со старата цеона од 87,5 денари за литар.
Со одлуката на РКЕ за 0,261 денари за килограм се зголемува и малопродажната цена на Мазутот М-1 НС и ќе изнесува 53,848 денари.
