Комисијата за заразни болести утрово донесе одлуки кои ќе бидат предложени до Кризниот штаб и се очекува да бидат прифатени на владината седница, а да стапат на сила од среда, 16 јуни.
Предлогот на Комисијата за заразни болести е: да се укине целосно полициски час, поради тоа што епидемиолошката состојба е стабилна и го дозоволува ова. Да се укине ограничувањето од максимум 100 гости на свадби и прослави, како и да се дозволи организација на настани, концерти и забави во клубовите и локалите само на отворено, со капацитет до максимум 50% од објектот и не повеќе од 1000 лица.
За прв пат по подолго време вчера не беше регистриран смртен случај како последица на Ковид 19.
