Од утре Белгија ќе воведе задолжителен 7-дневен карантин и ПЦР-тест за сите граѓани кои пристигнуваат во земјата од т.н. црвена зона. Оваа мерка важи и за граѓаните на Северна Македонија. Патниците кои влегуваат во земјата од територии прогласени за црвена зона и престојувале во нив повеќе од 48 часа, мора да бидат тестирани на првиот ден од влегувањето во земјата, како и на седмиот ден.
Во случај на негативен тест за PCR направен на седмиот ден од карантинот, тој се прекинува, а доколку резултатот е позитивен, граѓаните мораат да се изолираат уште најмалку 7 дена.
Исклучок од задолжителниот карантин ќе биде направен за граѓаните кои ќе останат во Белгија помалку од 48 часа. Исто така, ако престојот на патник подложен на карантин трае помалку од 7-дневниот период на карантин, тој може да ја напушти земјата пред истекот на периодот на карантин.
Исклучоци вклучуваат и државјани кои вршат критични функции во клучни сектори, студенти кои можат исклучително да го скршат карантинот за да полагаат испит, државјани со живеалиште во Белгија кои престојувале во странство од професионални причини што можат да го откажат задолжителниот карантин до 4 јануари, под услов да имаат потврда од работодавачот за професионална причина за патувањето.
Н.Д.
