Нафтените деривати од полноќ ќе се продаваат по нови, повисоки цени, одлучи Регулаторната комисија за енергетика.

Малопродажните цени на бензинот ЕУРОСУПЕР БС-95, ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), се зголемуваат за 0,50 денар/литар.

Така, новата цена на ЕУРОСУПЕР БС-95 е 60,00 ден/лит, малопродажната цена на ЕУРОДИЗЕЛ (Д-Е V) е 53,50 ден/лит и Екстра лесното масло за домаќинство (ЕЛ-1) ќе се продава за 53,50 ден/лит.

Малопродажната цена на бензинот ЕУРОСУПЕР БС-98, се зголемува за 1,00 денар/литар и ќе изнесува 62,00 ден/лит.

Намалување има на малопродажната цена на Мазутот М-1 НС за 0,081 ден/кг и од полноќ изнесува 28,287 ден/кг. А.Р.