Кефир е култивиран, ферментиран пијалок кој наликува на јогурт. Одредени извори наведуваат дека овој пијалок е стар повеќе од 1000 години и потекнува од Кавказ. Наводно случајно било откриено од локалното население тогаш познато по нивното здравје и долговечност додека носеле свежо млеко во нивните кожни вреќи. Некогаш познат надвор од Кавказ, во денешно време кефир е особено популарен во Русија и во земјите од југозападна Азија, а во последните години исто така и во други земји во светот.
Во суштина, кефирот се произведува со ферментирање на зрна “кефир”, кои личат на минијатурeн карфиол. Овие зрна се состојат од казеин и желатинозни колонии на микроорганизми кои се симбиотички одгледувани. Доминантна микрофлора се Сахаромицес кефир, Торула кефир, Lactobacillus caucasicus, Leuconostoc и млечни стрептококи кои се користат во прехранбената индустрија, со присутeн квасец. Понекогаш културата на кефир се нарекува и тибетски или кефирски габи, но кефирот не е печурка, туку природен стартер или жито.
Податоци за енергетските вредности
Како прво, еве колку калории можете да очекувате на 175 мл кефир:
калории: 97 kcal
јаглени хидрати: 5 – 7 g
маснотии: 3 – 6 g (во зависност од користеното млеко)
протеини: 4 g
калциум: 10% RDI
фосфор: 15% RDI
Витамин Б12: 12% RDI
магнезиум: 3% RDI
Придобивки од кефир за здравјето
Дел од причината зошто кефирот стана подостапен и распространет последниве години е веројатно заради неговите здравствени придобивки. Содржи многу хранливи материи, многу протеини, Б витамини, калиум и калциум. Калциумот помага да се создадат силни коски, протеините создаваат силни мускули, а калиумот е важен за здравјето на срцето, пренесува Medical News Today.
Но, пробиотиците се најсилната здравствена корист што може да ја понуди кефирот. Според клиниката Мајо, пробиотиците можат да помогнат: во подобрување на односот на здрави гастроинтестинални бактерии, третирање нарушувања на дигестивниот систем, особено по употреба на антибиотици, третирање синдром на нервозно црево или ги ублажите неговите симптоми, намалување или спречување на гастроинтестинални инфекции или промовирање на закрепнување потоа,
спречување или помогнува во третманот на вагинални инфекции и
спречува или помага во лекувањето на инфекции на уринарниот тракт.
Здравствените придобивки од кефир можат да се прошират надвор од опсегот на пробиотици. Една студија откри дека кефирот може да биде корисен за намалување на холестеролот и стимулирање на имунолошкиот систем.
Кефир наспроти јогурт
Понекогаш луѓето знаат да ги изедначат кефирот и јогуртот како идентични производи, но не се. Имаат многу заедничко – и двата се кремасти, понекогаш се слични по вкус и се прават со помош на млечни производи, иако постојат и алтернативни верзии. И двете се одлични извори на протеини, калциум, витамин Б, калиум и пробиотици.
Но, постојат неколку разлики. Кефирот обично има повеќе маснотии од јогурт, но исто така има повеќе протеини и повеќе пробиотици. Исто така, поретко и полесно е да се консумира од јогурт, што е со малку погуста конзистентност.
Разликата, се разбира, е во самата подготовка. Кефирот се ферментира на собна температура, додека многу видови јогурт се одгледуваат под одредена топлина. Понатаму, кефирот содржи поголем број на различни видови на здрави бактерии, е подобар за гастроинтестиналниот тракт, а активниот квасец кој се наоѓа во кефирот, исто така, има поголеми придобивки во исхраната од оној на јогуртот, според Healthline.
Несакани ефекти на кефир и кои не треба да го консумираат
Иако конзумирањето на кефир има многу здравствени придобивки, постојат некои несакани ефекти. Овие вклучуваат запек и грчеви во стомакот, кои најчесто ги чувствуваат луѓето по прво консумирање на кефир.
Понатаму, кефирот се смета безбеден за деца на возраст од една до пет години, но прво треба да проверите кај педијатар или општ лекар. Децата под една година не треба да консумираат млечни производи направени од кравјо млеко, но затоа им е дозволено мајчиното млеко да содржи природни пробиотици.
Луѓето со автоимуни заболувања, исто така, треба да разговараат со својот лекар пред да консумираат кефир. Иако бактеријата во кефир е корисна за луѓе со силен имунолошки систем, може да ги зголеми инфекциите или да ги влоши состојбите кај оние чиј имунолошки систем е надвор од рамнотежа.
Овошен пијалак со кефир
Покрај тоа што го купувате, можете сами да направите кефир. Проверете како можете да го направите , а потоа пробајте го овој вкусен рецепт со овошје во него.
Состојки:
200 мл кефир
1/2 банани
80 гр замрзнати боровинки или други плодови по ваш избор
1 портокал
Подготовка:
Во блендер, измешајте ги сите состојки и мешајте додека не се добие хомогена смеса. Послужете веднаш!
А.Р.
