По втор пат во една недела, североисточниот дел на САД го погодија силни снежни врнежи, поради што беа откажани многубројни летови, затворени училишта, а во некои делови имаше и прекин на струја.
Десеттина илјади луѓе останаа без струја на подрачјето од Филаделфија до Њујорк, а повеќе од 2.600 летови во тој регион се откажани, пренесува АП.
Откажани се и поаѓањата на одделни возови и автобуси, а гувернерите на американските сојузни држави Њу Џерси и Пенсилванија прогласија вонредна состојба.