Растението што одамна е познатао во народната медицина и бројни научни студии ги потврдуваат нејзините лековити својства. Црниот ким има многу корисни својства за организмот. Одличен е кога станува збор за зајакнување на имунитетот, а поради неговата содржина на маснотии помага и во регулирање на холестеролот. Особено е ефикасен за губење на тежината, бидејќи помага буквално да се стопи вишокот маснотии.

Составот на семе од црн ким влијае на специфични гени кои го контролираат апетитот и согорувањето на мастите. Студијата спроведена на над 700 луѓе со прекумерна телесна тежина покажа дека црниот ким им помогнал да изгубат 3 кг за околу 6 недели. Ако се комбинираат со урамнотежена и нискокалорична диета, црниот ким ќе даде уште подобри резултати. Црниот ким најчесто се користи во форма на прав или масло со цел губење на тежината.

Потребни се дополнителни истражувања за точно да се утврди ефектот на црниот ким врз телесната тежина, но сигурно е дека ова растение е одлично за стимулирање на метаболизмот и може да даде добри резултати во комбинација со здрава исхрана.

Ова семе има бројни позитивни ефекти врз здравјето, а особено се препорачува за одржување на здравјето на кардиоваскуларниот систем и регулирање на нивото на шеќер во крвта.

Сепак, црниот ким може да биде штетен за здравјето на бубрезите, црниот дроб и може да предизвика гадење доколку не го дозирате правилно. Дневната дозволена доза на црн ким за слабеење е 1 до 3 g црн ким во прав на ден или 3 до 5 ml црн ким масло дневно. Оваа доза е доста доволна за подобра превенција на срцеви заболувања, регулирање на шеќерот и зачувување на добро ниво на холестерол.

Забелешка: Пред да користите црн ким, разговарајте со вашиот матичен лекар, кој е упатен во вашата здравствена состојба.

Ал.Н.