Министерот за внатрешни работи, Оливер Спасовски синоќа бил хоспитализиран на клиниката за Инфективни болести, дознава ТЕХТ.МК од болнички извори.
-Министерот од вчера е на инфективната клиника поради висока температура. Неговата состојба сега е стабилна, потврдуваат од МВР.
И министерот за здравство, доцент Венко Филипче, потврди дека Спасовски, е хоспитализиран на Инфективната клиника во Скопје од вчера вечер, поради покачена температура заради Ковид-19. Како што изјави Филипче здравствената состојба на Спасовски е стабилна, тој има покачена температура, но нема сериозни проблеми.
Колку за потсетување Спасовски пред три дена објави на неговиот профил на Фејсбук дека е позитивен на корона вирусот, кога напиша и дека клиничката слика му е добра, дека има благи симптоми и дека е во домашна изолација.
Тој во неделата учествуваше на дигиталниот конгрес на владејачката партија, кога и се сретна со дел од раководството на партијата.
Н.Д.
