Во Франција и Шпанија има нови смртни случаи од СОВИД-19. Болеста продолжува да се шири низ Западна Европа, каде се потребни се повеќе мерки за контрола на инфекции. Сега за сега ниту еден случај на коронавирус не е откриен во Бугарија, Црна Гора, Косово и Албанија.

Пациентите во Франција надминаа 700 лица, а за прв пат се регистрирани и три лица на Корзика, еден од двата региони во Франција во кои немаше заразени. Во последните 24 часа има повеќе од 100 нови случаи, како и  11 починати.

Во Шпанија, бројот на починати се искачи на 10 лица откако денеска биле регистрирани уште два починати, а и Холандија објави повеќе случаи на заразени.

Бројот на смртни случаи на коронавирус во Италија се зголеми за 36 и достигна до 233 во саботата, додека бројот на заразените го надмина досегашниот рекорд од 1 477, достигнувајќи 5 883 заразени.

Италија регистрира најголем број смртни случаи од која било земја надвор од Кина и е трета заразена земја по Кина и Јужна Кореја.

Папата Фрањо најавува дека традиционалната молитва „Ангел Господов“ ќе се спроведува преку видео-врска. Целта е да не се соберат илјадници луѓе на плоштадот Свети Петар како секоја недела.

Во Романија се регистрирани 12 случаи на инфекција со коронавирус, објави РИА Новости, повикувајќи се на прес-службата на романското Министерство за здравство.

“До денес, 12 случаи на инфекција со коронавирусна инфекција се потврдени на национално ниво во земјата. Првиот случај беше пријавен во Букурешт”, се вели во соопштението на Министерството за здравство. Агенцијата забележува дека жител на романската престолнина, кој сега е хоспитализиран во болницата за инфективни болести во романската престолнина, претходно ја посетил Италија.

Претходно, романското Министерство за здравство информираше дека тројца пациенти дијагностицирани со коронавирус веќе успешно го завршиле лекувањето и нивните повторени тестови на COVID-19 покажале негативен резултат.

Бројот на заразени со коронавирус во Чешка порасна на 21 лице, од кои повеќето се поврзани со патувања во Италија, рече премиерот Андреј Бабис.

Вечерва, Министерството за здравство на Египет потврди дека 45 од повеќе од 150 патници на крстаречки брод по реката Нил покажале позитивни резултати на коронавирусот, пренесува Асошиејтед Прес. Претходно, еден тајванско-американски турист кој патува со истиот брод бил тестиран позитивно при неговото враќање во Тајван. Светската здравствена организација (СЗО) ги извести египетските власти и тие го проверуваа секој од патниците.

Здравствените власти откриле дека 12 членови на екипажот биле заразени со брзо ширење на вирусот, но не покажале никакви симптоми. Тие се изолирани во болница на северниот брег на Египет. Патниците, вклучително и Американци, Французи и други странци, биле карантинирани во очекување на резултатите од тестовите.

Патувањето започна денес од Луксор, на околу 655 километри јужно од Каиро. Патничкиот брод со 60 кабини запрел трипати пред да стигне до Асван. „Имаше повеќе од три постојки во спротивна насока, со потенцијално зголемување на бројот на лица изложени на инфекција“, рече готвачот на бродот Амониос Салах.