По повод празникот Василица,  на 12 и 13 јануари (петок и сабота), во 20 часот во салонот на Македонската опера и балет, ќе се одржи традиционалниот василичарски концерт. Оваа година насловен е „Simply the best“, и ќе се изведат некои од  најдобрите поп-рок хитови од  80 и 90-те години, како „With or without you“, „Freedom“, „I drove all night“, „Listen to your heart“, „Simply the best“, „Every breath you take“, „I want to break free“, „Black velvet“ и многу други.

Ќе настапат Александар Тарабунов, Елена Петреска, Ана Мицковска, Александра Јанева, Горан Наумовски, Ѓоко Танески, Арбен Бени Шаќири, Дани Димитровска, Наташа Малинкова, Лена Заткоска, Даниел Дан, гостинот од Хрватска Бојан Јамброшиќ, како и оперските солисти Наде Талевска и Ѓорѓи Цуцковски. Диригент- Бисера Чадловска.

Македонската опера и балет го востанови овој концерт во 1993 година.