Црна Гора го отвори последното, осмо поглавје во преговорите со Европската унија на Меѓувладината конференција во Брисел, пренесува РТЦГ. Ова е Поглавје 8, кое се однесува на конкуренцијата.
Коментирајќи го отворањето на Поглавјето 8, европскиот комесар за проширување Оливер Вархели рече дека тоа е „јасен сигнал за посветеноста на Европската унија за Западен Балкан“.
Pleased that #Montenegro today opened the last chapter, on competition, at accession conference with #EU. A clear signal of our commitment to #WesternBalkans & enlargement policy. Focus is now needed on reforms, esp in rule of law, so Montenegro can progress further on EU path.
— Oliver Varhelyi (@OliverVarhelyi) June 30, 2020
„Задоволен сум што Црна Гора го отвори последното поглавје – Конкуренција во преговорите за пристапување со ЕУ. Ова е јасен сигнал за нашата посветеност кон Западен Балкан и политика за проширување“, наведе Вархели на Твитер.
Тој исто така истакна дека сега е неопходно фокусот да се стави на реформите, особено во областа на владеењето на правото, за Црна Гора да може да напредува на патот кон ЕУ.
Поглавјето Конкуренција опфаќа заштита на конкуренцијата и државна помош.
Преговорите во тоа поглавје имаат за цел ефикасно спроведување на политиката за заштита на конкуренцијата, која придонесува за подобрување на економијата, развој и раст на бројот на компании, подобрување на инвестициите во истражување и развој на нови производи, привлекување нови инвестиции, зголемување на производството и извозот. А.Р.
