Брзото ширење на новиот тип на ковид-19 го загрижи целиот свет и воведени се силни ограничувачки мерки низ цела Велика Британија, која се соочува со забрана за транспорт со многу земји во светот. Паниката настана кога советниците на британската влада рекоа дека постои можност новиот вид да се прошири полесно од неговите претходници, објави „Би-Би-Си“.
Не е новост дека вирусите постојано мутираат и дека е важно да се следи однесувањето на вирусот, но загрижува три работи: зголемен пренос, потоа, мутациите влијаат на делови од вирусот што се важни, а се покажа дека некои мутации ја зголемуваат способноста на вирусот да зарази здрави клетки.
Овој заразен вид првпат беше откриен во декември, а во ноември една четвртина од случаите во Лондон беа предизвикани од овој нов вид на ковид-19, додека во декември, тој број скокна на околу 33 проценти во Лондон.
Премиерот Борис Џонсон рече дека видот е 70% позаразен од неговите претходници, што значи дека лесно може да дојде до зголемување на R бројот, што покажува колку едно лице може да го пренесе вирусот на другите.
Ерик Волц од Кралскиот колеџ во Лондон изјави дека „ рано е да се каже, но според она што го видел досега, бројот на пациенти расте многу брзо, короната се шири побрзо од порано“.
Некои експерти се прашуваат дали новиот вид е воопшто позаразен од претходниот.
„Обемот на докази што ги добивме го покренува прашањето дали овој вид навистина ја зголеми инфективноста“, рече Џонатан Бол, вирусолог од Универзитетот во Нотингем.
Новиот вид се прошири во Велика Британија, со исклучок на Северна Ирска, но најмногу го има во Лондон, југоисток и исток на Англија.
Сепак, во неделата, Данска, Холандија и Австралија исто така објавија дека забележале случаи на новиот вид на ковид-19, додека Французите не ја исклучија можноста вирусот да циркулира и во нивната земја.
Сличен вид на ковид-19 се појави неодамна во Јужна Африка, има слична мутација, но се чини дека не е поврзан со овој од Англија.
Ова не е прва мутација на вирусот, бидејќи за споредба, короната што беше откриена во Вухан не е истата што циркулира денес во светот. Мутација наречена D614G се појави во Европа во февруари и стана доминантен вид на планетата, а A222V е широко распространет во Европа, особено во Шпанија.
За мутираниот вирус познато е дека се идентификувани 17 можни, важни промени – нема промени во протеинскиот скок, што е клучот што вирусот го користи за да влезе во човечките клетки.
Се поставува и прашањето – од каде потекнува новата мутација?
Најверојатно објаснување е дека мутацијата се случила кај пациент чиј имунолошки систем бил слаб за да го победи вирусот, па затоа телото на пациентот станало соодветно тло за мутација. Иако во моментов нема докази дека новиот вид е поубиствен, научниците го следат и наскоро повеќе ќе се знае за него.
Самиот факт дека е позаразен е доволен за да предизвика проблеми во болниците, односно да се преоптоварат веќе оптоварените здравствени системи.
Во моментов нема дилема околу вакцинацијата – вакцините направени од водечките светски фармацевтски компании – ќе бидат подеднакво ефикасни или барем може да се каже дека засега е така, се додава во текстот на „Би-Би-Си“.
“Меѓутоа, ако се појават дополнителни мутации, тогаш може да имаме причина за загриженост. Овој вид е потенцијален начин вирусот да биде поотпорен на вакцината и ова е неговиот прв чекор кон бегство од вакцината”, рече професорот Рави Гупта од универзитетот во Кембриџ.
Ова може да се случи кога вирусот се менува толку многу што може да избегне целосен ефект на вакцината и да продолжи да ги инфицира луѓето, а тоа е најголемиот страв за вирусолозите ширум светот.
Тоа би значело дека фармацевтските компании ќе мора да се прилагодат на мутациите, нешто слично на она што се случува со вакцините за сезонски вируси. Тековните вакцини против ковид-19 се лесни за модификација, но ова сигурно ќе ја забави вакцинацијата. А.Р.
