Денешните информации од МЗ се дека во последните 24 часа се направени 702 тестирања, а регистрирани се 127 нови случаи на ковид-19. Најмногу новозаразени има во Скопје 67, по што следи Штип со 33 новозаразени, десет во Тетово, во Охрид 6, Струга 5, Коќани и Пробиштип со по 2 новозаразени и по едено новозаразено лице во Куманово и Дебар.
На Клиниката за инфективни болести и фебрилни состојби почина пациент од Куманово на 70 години, хоспитализиран на 4 јуни и двајца од Скопје, пациент на возраст од 62 години, хоспитализиран од 5 јуни и пациент на возраст од 78 години, хоспитализиран на 2 јуни.

Денеска Институтот за јавно здравје регистрира 7 оздравени пациенти.

Досега во земјата се направени вкупно 37027 тестирања на ковид -19. Од вкупниот број направени тестови во изминатото деноноќие 28 теста се во рамките на скринингот во градинки во Кочани, нема позитивни на ковид-19.

Вкупната бројка на ковид дијагностицирани во нашата земја од почетокот на епидемијата изнесува 3152, бројката на оздравени пациенти е 1653, на починати е 156, а во моментов бројот на активни случаи во земјата изнесува 1343.

Н.С.