По една година тешки преговори во Латинска Америка и Карибите, Бразил беше подготвен да биде домаќин на следната конференција за клима, COP25, но пред неколку недели се откажа од идејата пред и официјално  да биде назначен за домаќин. Костарика, Чиле и Гватемала понудија да бидат домаќини на конференцијата и на тој начин да го задржат местото на следниот самит во латиноамериканска земја.

Секоја година седиштето на конференцијата се менува од еден регион до друг. Ова е од суштинско значење, бидејќи им овозможува на НВО-ите и земјите да ги нагласат климатските агенди на секој регион. Покрај тоа, оваа ротација е потребна така што јавноста на секој континент може да учествува. Со кандидатурата на Костарика, Чиле и Гватемала, започнува процесот на преговори во регионот, групата земји од Латинска Америка и Карибите – ГРУЛАК мора да дефинира која земја поддржува да биде домаќин на настанот.

Самитот за климатски промени собира околу 25.000 луѓе во текот на две недели од преговорите. Тоа е исто така дипломатски процес кој трае цела година, каде што земјата го презема раководството пред светот да ја продолжи климатската агенда. Сега за сега Гватемала ја доби поддршката од Хондурас за да биде домаќин, но процесот на селекција е тежок. Само како илустрација да споменеме со што се се соочуваше секретаријатот во процесот за избор на Бразил кој се соочи со силна опозиција од Венецуела. Следниот домаќин ќе биде објавен во наредните денови.